Savol-javob

5–6 yoshdan tayyorlov guruhiga va 11-sinfgacha barcha sinflarga qabul qilamiz.

Avval maktab bilan tanishtiramiz, soʻng farzandingiz ingliz tili va matematikadan test topshiradi. Natijadan keyin ikki tomonlama shartnoma tuziladi.

Ota-ona pasporti nusxasi, oʻquvchi metrikasi nusxasi, 3×4 rasm va 026-shakl tibbiy maʼlumotnoma.

Darslar 08:30 da boshlanadi va 15:45 da tugaydi. Oʻquvchilar 08:00 dan keladi va nonushta qiladi.

Ha. Har kuni 3 mahal issiq ovqat: nonushta, tushlik (suyuq va quyuq) va polnik. Hammasi maktab oshxonasida tayyorlanadi.

Ha. Maktab avtobuslari ertalab oʻquvchilarni uy yoki koʻcha boshidan olib keladi va darsdan keyin uyga olib boradi.

Koʻpi bilan 24 nafar. Oʻquvchilar koʻpaysa, sinf ikkiga boʻlinadi.

Ingliz tili va matematika darslarida oʻquvchilar sinf boʻyicha emas, bilim darajasiga qarab guruhlanadi (2–4, 5–7 va 8–11-sinf oqimlari ichida). Shunda har bir bola oʻziga mos darajada oʻqiydi.

Ha. 9–11-sinflar va darajasi yetarli kuchli oʻquvchilar Filippinlik ustozlar bilan haftasiga 3 kun IELTS va 3 kun SAT ga tayyorlanadi.

Tayyorlovdan 4-sinfgacha oʻzbek va rus sinflari bor. 5–11-sinflar oʻzbek tilida, tillarga chuqurlashtirilgan. Ingliz, rus va xitoy tillari oʻqitiladi.

Diqqat va xavfsizlik uchun. Oʻquvchi kirishda telefonini topshirib jeton oladi, ketishda jetonni qaytarib telefonini oladi.

Narx sinf va xizmatlarga qarab belgilanadi. Ariza qoldiring yoki +998 93 275 04 04 raqamiga qoʻngʻiroq qiling — batafsil aytib beramiz.